Muntasıf-ı ramazân-ı şerîfde havâss-ı nâs telsîm-i Hırka-i şerîfe-i Nebevî ile kesb-i şeref-i bî-kıyâs edegeldikleri kānûn-i devlet-i ebed esâs olduğuna binâʾen, yevm-i mezkûrda Sadrıaʿzam ve Şeyhulislâm ve sudûr hazerâtı ve sâyir huzûrları muʿtâd olanlar Hırka-i şerîfe odasına varup, fahr-i kâ'inât ve sened-i mevcûdât ʿaleyhi ekmelü't-tahiyyât hazretlerinin kûşe-i ridây-ı feyz-ihtivâların leb-i âdâb ü taʿzîm ile telsîm ve nisâr-ı tefârîk-ı tahiyyet ü teslîm eylediler.