Şaʿbânü'l-muʿazzamın yirmi beşinci salı günü tertîb olunan Dîvân-ı hümâyûn'da ʿumûmen askerî tâyifesinin [M1 80] müstehak oldukları iki kıst mevâcib, müsellem-i eyâdî-yi erbâb-ı revâtib kılınup, muʿtâd üzere Bâb-ı ʿâlî'de devr olduğu gün teşrîfât-ı hümâyûn ve hatt-ı iltifât-meşhûn, Silahdâr Ağa vesâtatiyle şeref-res-i vüsûl ve Ağa-yı mûmâ ileyh esb-i müzeyyen ve ferve-i semmûr ve mebâliğ ile mutayyeben ʿinân-gerdân-ı kufûl oldu.