Re'îsülküttâb olan ʿAbdî Efendi kudemây-ı tarîkden olup, halk ile ihtilâtdan dâmenkeş-i ictinâb ve meʾmûr olduğu hidemâtda dahi huşûnetle şöhret-yâb olup, kelâmı gûyâ mansûs ve tavrı hemân şahsına mahsûs bir âdem olup, bu esbâb ile sadr-ı nâzik-meşrebi tenfîr ve ʿâkibetü'l-emr efendi-yi mûmâ ileyhi riyâsetden ʿazl ve Resmo Cezîresi'ne irsâl ve tekdîr edüp, Defterdâr-ı sabık Kâmil Ahmed Efendi'de istihkāk-ı zâtî zâhir ve o mesnede ehliyyeti ke'ş-şems fi'l-hevâ cerr-i bâhir olmağla, şehr-i merkūmun on yedinci günü zümre-i küttâba reʾîs ve fülk-i devlete bercîs kılındı.