Defterdâr-ı Şıkk-ı Evvel olan Behcet Efendi ʿârıza-i maraz ile birkaç gün muztarib ve mâh-ı merkūmun on dördüncü günü dest-i hâdimü'l-lezzât ile cevher-i rûhu [M1 60] dürc-i bedenden münselib olup, Halîmî Mustafa Efendi'nin fenn-i Defterî'de mehâreti, etrâf ü eknâf ile hüsn-i muʿâmele ve ʿişreti mûcib-i teleʾlü-i kevkeb-i rifʿati olup, bu defʿa dahi Defterdâr ve kilîd-i gencîne-i Şehriyâr-ı ʿâlî-tebâr oldu. Müteveffây-ı mûmâ ileyh ʿUtaridîler'e lâzım olacak rütbe tahsîl-i kemâlât edüp, cevdet-i hatt ve mütevassit-ı şiʿr u inşâ ile şöhret-şiʿâr idi. Bu beyit Siroz'da menfâ iken inşâd etdiği gazeldendir: Üç gün ârâm-ı safâya niçe ruhsat bulunur Behcetâ meskenimiz şimdi ki Siroz oldu.