Baʿzı harîkde sûzân ve menâresinden mescid olduğu nümâyân olan Otakçılar nâm mahalden Şehriyâr-ı İskender-tüvân güzerân oldukda, kazıyyeye vukūf ile mahall-i mezkûrda câmiʿ binâsını fermân etmişler idi. Etrâfından birkaç hâne iştirâ vü istimlâk ile sâhası tevsîʿ olunup, dest-yârî-yi ʿamele ve bennâyân ile binâya mübâşeret ü ikdâm ve mahfel-i hümâyûn ve sâ'ir mahalleri dört mâh zarfında ikmâl ü itmâm olunduğundan gayri, minâresi dahi tuğladan binâ ve nizâm-ı evkāfına iʿtinâ olundu.