Müjde-i mühür ile Sadrıaʿzam tarafına ibʿâs ve ʿavdetinde Bostâncı-başılık ile mahsûd-i kudemâ ve ihdâs kılınan şahsın hidmetinde kusûr ve tavr-ı hareketinde fütûr müşâhede olunup, şehr-i mezkûr evâhırında ʿazl ile teʾdîb ve Hasekî Ağa hidmet-i mezkûre ile dâ'ire-i hümâyûna takrîb olundu. Rûz-i hızır kudûm ve Istabl-ı ʿâmire'de olan esbân-ı hâssanın çerâgāha ihrâcı beyne'l-lüzûm olmağla, şehr-i mezkûrun yirminci günü zikr olunan huyûl, zemzeme-i mezâmîr u tubûl ile çerâgāha tesrîh ve bir müddet rükûb ve mutârededen tervîh olundu.