İşbu Cumâdelâhıre'nin on sekizinci salı günü tavâyif-i askerînin bir kıst mevâcibleri, Dîvân-ı ʿâlî'de eyâdî-yi emânet-kârâne tevdîʿ ve Dîvân ʿakabinde Sadrıaʿzam Bâb-ı ʿâlî'ye gelüp, sipâh silahdâr ocağlarına dahi kānûn üzere ulûfe tevzîʿ ve şehr-i mezkûrun yirmi ikinci sebt günü devr vâkîʻ olup, Çukadar Ağa ile teşrîfât ve hatt-ı hümâyûn şeref-res-i vürûd ve bu rağbet-i bî-nîhâyet Sadr-ı müşârun ileyhe bâʿis-i inbısât-ı nâ-mahdûd olup, Ağa-yı mûmâ ileyhi kürk ve donanmış at ve nukūd ile tatyîb ve maʿiyyetinde olanları dahi ‘atâyây-ı kesîre ile tatrîb eyledi.