Şehr-i mezkûrun evâsıtında mevsim-i erbâʿîn muntasıf ve sukūt-i berf ü bârân müterâdif olup, şiddet-i sermâ ve bürûdet-i hevâ raʿşe-endâz-ı cism-i bây ü gedâ o kûre-i zemherîr gûyâ mütesâkıt-ı basît-ı gabrâ olup, bu takrîb Defterdâr İskelesi'yle Südlüce miyânı yah-beste [M1 46] vü müncemid ve o deryây-ı mâlih kudret-i Rabbâniyye ile münʿakıd olup, katʿî çok kimesnenin murûr u ʿubûru manzûr ve bu hılâlde Edirne'de yirmi karış berf nüzûlü dahi mütevâtir u meşhûr oldu. İncimâd-ı deryâ içün inşâd olunan târîh-i meşhûrdur: Buz üstünden geçen geldi bana yaz dedi târîhin Deniz altmış sekizde dondu buzdan bendeniz geçdim. (دكز التمش سكزده طوكدى بوزدن بندکز کیچدم)