Şehr-i mezkûrun on ikinci günü huzûrları muʿtâd olan zevât Sultân Ahmed Câmiʿinde muntazır-ı kudûm-i Pâdişâh-ı cemîlü's-sıfât iken, mevlid alayına mahsûs olan debdebe-i Mülûkâne ile Pâdişâh-ı velâyet-penâh câmiʿ-i şerîfe bast-ı sâye-i şevket ve erkân-ı saltanatı tahrîk-i âb-rûy-i iltifâtlarıyle kadd-i hamîde-i dürûd ü tahiyyet buyurup, mevlid-hânlar nazm-ı latîf-i Mevlid-i şerîfi kırâʾet ve hâzır bi'l-meclis olanlar istinşâk-ı fevâyih-i miskiyye-i fevz ü saʿâdet edüp, meşâyih-i kirâm dahi mahalle münâsib vaʿz u nasîhati tahkīk u tedkīk ile kulûb-i nâsı elâne vü terkīk etdikden sonra Hâkān-ı İskender-nişân Serây-ı ʿâlîlerine ʿatf-ı ʿinân buyurdular.