Mâh-ı muharremü'l-harâmın yirmi altıncı salı günü 'Ulûfe Dîvânı olup, sunûf-i askerînin müstehak oldukları bir kıst mevâcib ihrâc ve kabzına me'mûrlara edâ ve Venedik Cumhûru tarafından İkāmet Elçisi dahi mukaddemâ vârid olduğuna binâ'en, yevm-i mezkûrda 'atabe-i 'ulyâ-yı Şâhâne'ye ruhsâ ve selh-i muharremde Paşa Kapusu'nda devr olup, Silahdâr Ağa vesâtatiyle taraf-ı hümâyûndan teşrîfât-ı seniyye şeref-resân-ı vürûd olup, cânib-i Sadâret-penâhî'den Ağa-yı mûmâ ileyhe semmûr kürk iksâ ve nakd-i vâfir i'tâ ve teşekkürü hâvî telhîs ile 'inân-ı 'azîmeti irhâ olundu.