Şeyh Murâd-zâde Muhammedü'l-Murâdî en-Nakşibendî bundan akdem Âsitâne'ye pâ-nihâde-i şeref ve likā-yı peder-i vâlâ-güherleri ile tâb-efgen-i âteş-i şevk u şegaf oldukdan sonra, Şâm-ı cennet-meşâmmına ve andan telsîm-i rükn ü makāma ʿazîmet etmi- şidi. Medîne-i münevvere lâ-zâlet bi-envâri'l-ilâhiyyeti müsevvereye vusûlünde Fahr-i 'âlem sallallâhü teʿâlâ ve sellem hazretlerinin vâlidleri 'Abdullah bin Muttalib'in mezârını bi'l-müşâhede taʿyîn ve sandûka ve pûşîde ve kanâdîl ile tezyîn eylediğini nakl ü rivâyet eyledi. 'Abdullah bin Muttalib, Vâkıdî rivâyeti üzere Gazze'ye ticâretle varup, Medîne'ye 'avdetinde fevt ve Beyt-i Nâbiğa dimekle şehîr mahalde defn olunmuş.