Müʼessis-i bünyân-ı hayrât-hisân olan Pâdişâh-ı zemân, Galata Serâyı'na tahsîl-i rızây-ı ilâhî zımnında vazʿ buyurdukları kütüb-i nefîseye [M1 40] nigāh kasdıyla şehr-i muharremin sekizinci yevm-i hamîs Galata Serâyı'na devlet ü ikbâl ile ʿazîmet ve hîn-i binâ-yı Kitâb-hânede makarr-ı hümâyûn olmak üzere inşâ olunan taht-ı ʿâlî-bahta şeref ü zînet verüp, Serây hâceleri tilâvet-i Kur'ân ve duʿây-ı Pâdişâh-ı cihân ile iştigāl ve cümlesi deryâ-yı birr ü mekremet-i Şâhâne'den guref-i nasîb-i ihsân ü nevâl eylediler.