Payas Mütevellîsi olan ʿAli, ʿUzeyr Sancağı'nı bir takrîb müstevlî olup, sû'-i hareketi hasebiyle ʿazl ü tenkīl ve beyliği âhara tahvîl olunmuşidi. Tebeʿât-ı sâbıkasını ferâmûş ve baʿde-ezîn emr-i Pâdişâhî'yi kurta-i binâ-gûş etmek kavliyle beyliği ibkā olunup, bir zemân murûrunda tabîʿat-ı ʿakrebiyyesi tezebzüb ve o havâlî eşkıyâsını tesahhub ile fukarâ ve ebnâ'-i sebîli izrâr ve bâ-husûs kāfile-i hâccı, başında olan haşerât taʿcîz ü bîzâr eylediğini Aʿyân-ı hâc ve Adana Beylerbeğisi ve Rişvân-zâde Der-i devlet-medâr'a ʿarz ü ifâde etmeleriyle merkūm Âsitâne'ye ihzâr ve şevvâlin yirmi dördüncü salı günü -ki yevm-i dîvân idi- izâle vü iʿdâm ile ʿibret-i zaleme vü eşrâr olundu.