Nefs-i nefîs-i Pâdişâhî içün inşâ olunan filika ve sandalın itmâm olunduğu iʿlâm olunduğuna binâʾen, münâsebet-i ʿaded iltizâmiyle yevm-i isneyn Sadrıaʿzam ve sâʾir huzûrları muʿtâd olan zevât müctemiʿ olup, ihtiyâr olunan sâʿat-i saʿdde vâhiden baʿde vâhidin deryâya ilkā ve meʾmûr-ı inşâsı olanlara hilʿa-i behiyye iksâ ve surreler iʿtâ olundu. Hâkim-i merhûmun ikisine birden inşâd etdiği târîhdir: İnüp bir günde bahra söyledim Hâkim ana târîh Hümâ-veş açdı per kondu yemme nev-sandal u filika (هماوش اچدی پر قوندی يمه نوصندل وفلكه)