İşbu şehr-i rebîʿulevvelin on ikinci günü Şehinşâh-ı sütûde-haslet debdebe-i Mülûkâne'leriyle Sultân Ahmed Câmiʿ-i şerîfine sâye-endâz-ı rağbet ve huzûrları muʿtâd olan erkân-ı Devlet'i tahrîk-i kûşe-i âb-rûy-i iltifâtlarıyla mâlik-i gencîne-i meserret buyurup, Fahr-i enbiyâ ve sened-i asfiyâ ʿaleyhi efzalü't-tehâyâ hazretlerinin nazm-ı celîl-i Mevlid-i şerîflerin istimâʿ ile tahsîl-i fevz ü saʿâdet ʿakabinde serây-ı dilârâ-yı Şâhâneleri'ne sevk-i semend-i şevket buyurdular.