Sâha-i Tersâne-i ʿâmire'de inşâ olunan üç anbarlı kalyon-ı hümâyûnun hitâma resîde olacağı be-dîdâr ve ber-vech-i muʿtâd âvîzeler ile tezyîni murâd-ı Şehriyâr-vâlâ-tebâr olup, taraf-ı hümâyûnlarından ve Sadriaʿzam ve sâʼir ricâl-i devlet tarafından tertîb olunan âvîzeler şehr-i rebîʿulevvelin ikinci yevm-i hamîs defter-i teşrîfâtda mübeyyen olan resm üzere zikr olunan kalyona taʿlîk ve inâta ve o keştî-i kûh-mânend akmişe-i ʿabkarî deng ve emtiʿa-i zerdûz ve rengâ-reng ile istîʿâb ü ihâta olundu.