Yeniçeri Ağalığı'ndan rütbe-i vâlâ-yı Vezâret'le çırâğ olan Vezîr es-Seyyid Ahmed Paşa ki Anadolu ve ʿArabistan taraflarında Deli Emîr Paşa terkîbi ile müsemmâ idi. Makarr-ı hükümeti olan Sayda'da bir müddet hasta ve sûy-i âhirete refte olduğu haberi, evâyil-i zilhiccede karʿ-i sâmia-i devlet etmişidi. Defterdâr-ı vakt olan Halîmî Mustafa Efendi'nin sefâhate dâʼir tavrı bu hılâlde mûcib-i inhitât-ı kadri olup, zımnen tatyîb ve maʿnen Âsitâne'den tebʿîd ü tecnîb kasdıyla Eyâlet-i Sayda bâ-rütbe-i Mîr-i mîrânî gurre-i muharremde mûmâ ileyhe tevcîh ve bu vesîle ile inzâr-ı hâmil ü nebîh kılındı.