Mâh-ı şaʿbânın dördüncü günü Sadr-ı Rûm ʿAbdullah Efendi müddet-i ʿörfiyyesin tekmîl ve Rumeli Pâyesi'yle sâbıkā Sadr-ı Anadolu olan hâlâ Hekîm-başı Mehmed Saʿîd Efendi o makām-ı refîʿ ile tebcîl olunup, Pîrî-zâde ʿOsmân Monla Efendi dahi bir sene-i kâmile Sadâret-i Anadolu'ya revnak-bahş-ı iclâl ve Rumeli Pâyesi'yle mukaddemâ makzıyyü'l-âmâl olan Lütfullah Efendi yevm-i mezkûrda Anadolu Sadâreti'ne pâ-nihâde-i şeref ü ikbâl olup, İstanbul Kadısı ʿİvaz Paşa-zâde İbrâhîm Beyefendi'nin ʿâmiyâne tavrı ve ezikka vü esvâkı mütevâliyeten devri, mûcib-i tezâyüd-i kadri olduğuna binâ'en, yevm-i mezkûrda altı mâh medd ile mahsûd-i nâs ve huzûr-i Âsafî'de ikrâmen bir sevb-i kākum kürk ilbâsıyla nâyil-i fahr-ı bî-kıyâs oldu.