Istabl-ı hâssada mevcûd huyûl-i sâfinâtın [M1 14] çerâgâh-ı Kağıdhâne'ye tesrîhi vakti hulûl ve yevm-i mezkûrda Mîrahûr-i Evvel olanlar tarafından icrây-ı resm-i çeşn ü ziyâfet ʿâdet olduğuna binâ'en, şehr-i mezkûrun on yedinci günü Şehriyâr-ı Mahmûdü'l-hısâl zevrak-süvâr-ı iclâl ve Mîrahûr Köşkü'ne sâye-bahş-ı ikbâl ve andan Saʿdabâd'a teveccüh ve istîfây-ı kemâl-i inbisât ve tenezzüh ʿakībinde tenâvül-i etʿime gûnâ gûn ve istimâʿ-ı eğânî-yi neşât-efzûn maslahatı tekmîl ve Mîrahûr-i Evvel tarafından resm olan esb-i dil-keş-hırâm ve sâ'ir tuhaf-i nâdire-i eyyâm keşîde-i sâha-i Pâdişâh-ı enâm kılınup, vakt-i şâm Sâhil-serây-ı Vâlide Sultân'a ʿatf-ı zimâm-ı ʿizz ü ihtişâm buyurdular.