Feyz-nâmiye-i behâr deşt ü sahrâyı nümûne nümây-ı gülzâr eylediğine binâʼen, tabʿ-ı hümâyûnda nakle hâhiş ve şevk-i cevelân ve darîh-i hazret-i Hâlid etrafı bu evânda ahad-i çârum-i cinân-ı cihân olduğundan gayri, iftitâh-ı nakl o mahall-i feyz-bahş ile hâsıl olmak kasdıyla işbu recebü'l-ferdin on üçüncü pençşenbih günü civâr-ı hazret-i Ebî Eyyüb Ensârî'de vâkiʿ Vâlide Sultân Sahil-serâyı'nı bi'd-devleti ve'l-ikbâl teşrîf ve fukarâ ve zuʿâfâsını ʿatâyâ-yı şâhâneleriyle iğnâ vü taltîf buyurdular.