Bundan akdem Mîr-i mîrânlık ile Bosna'ya Vâlî ve âfitâb-ı âlem-tâb-ı cihândâriyle bedr-i ikbâli mütelâlî olan Mehmed Paşa'nın her ne kadar 'inde'l-ehâlî kadri 'âlî ise dahi bir müddetden berü Bosna halkı vilâyet-i vüzerây-ı 'izâm i’tilâf ve Mîr-i mîrânlık ile memleketlerine tevârüd edenleri istihfâf eyleyecekleri vârid-i hâtır-ı ekâbir olduğundan gayri, mûmâ ileyhin dahi rütbe-i vâlây-ı Vezâret'e ehliyyeti zâhir olup, işbu cumâdelâhire gurresinde rütbe-i Vezâret'le ibcâl ve ser-â-sere dûhte tarafına bir sevb-i semmûr irsâl olundu. Yevm-i mezkûrda sâbıkā Karaman Vâlîsi Şehsuvâr-zâde Vezîr Mustafa Paşa'ya Eğriboz muhâfazası tevcîh ve selefi Vezîr Mustafa Paşa Karaman Eyâleti ile terfîh olundu.