Şehr-i mezkûrun yirmi sekizinci Cumʿa gicesi sâʿat dörtde iken Beylerbeyi'de vâkiʿ Esʿad Ağa'nın yalısından âteş zuhûr edüp, sâhil-i mezbûru ve kurbünde olan Sadriʿazam Kethudâsı ʿOsmân Efendi'nin yalısını ihrâk ve zimâm-ı şiddet-i rîh intılâk üzere iken, sâyir yalılara sirâyet etmeyüp, fazl-ı hazret-i Hallâk o âteş-i zâtü'l-vekūdu itfâ ile civârda vâkiʿ ashâb-ı sevâhili mazhar-ı merhamet ü işfâk eyledi.