Şehr-i Ramazân-ı şerîf'in [Ü1 260b] on beşinci günü Şeyhulislâm Efendi ve Kāyim-makām Paşa ve Kapudan Paşa hazerâtı ve sâyir vücûdları muʿtâd olan erkân-ı Saltanat huzûr-ı Şehriyârî'de takbîl-i Hırka-i hazret-i Sâhib-i risâlet ile ihrâz-ı derece-i yümn ü bereket eyleyüp, yevm-i mezkûrda Ocağlu'ya Matbah-ı ʿâmire'den taʿyîn olunan baklava dahi resm-i kadîm üzere tevzîʿ u taksîm olunup, mülâzimân-ı Dergâh-ı gerdûn-bestat serâpâ dil-sîr-i niʿmet ve şükr-güzâr-ı Îzed-i bî-minnet oldular.