Şıkk-ı Sâlis Defterdârı ve Hubûbât Nâzırı olan [Ü1 248b] Firdevsî Mehmed Emîn Efendi, tahsîlâtın cihet-i sühûletine ve hubûbâtın vaktiyle isticlâbına zafer-yâb olamadığından fazla, mesâlih-i habbâzîn ve tüccâr hasren tarafına ihâle ve nüfûz u vak'ına halel îrâs eyleyecek ʿilel ü ʿavârızın cümlesi izâle olunmuşiken, maslahatı [Ü3 43a] Kapu tarafına ilkā ve umûr-ı seferiyye ile meşgûl olanları bu maslahat ile îzâ eylediği hâlde, baʿzı kimseler etmekçi tâ'ifesini dahi iğvâ edüp, iştikâya iğrâ ve min-külli'l-cihât tahdîş-i sâmiʿ-i evliyây-ı niʿamâ edüp, bu esbâb ile mûmâ ileyhin fîmâ-baʿd bu maslahatı te'diye edemeyeceği maʿlûm ve âhar kimsenin nasbı beyyinü'l-lüzûm olduğuna binâ'en, işbu Cumâdelâhire'nin on ikinci Sebt günü mûmâ ileyh ʿazl ile sîne-kûb-ı hasret ve ʿAzmî Ahmed Efendi, câh-ı mezkûr ile kemâ-fi's-sâbık dâne-çîn-i harmen-i ferhat oldu.