Sadâret-i ʿuzmâ takrîbi ile münhall olan Eyâlet-i Erzurum, Sivas Vâlîsi Seyyid Ahmed Paşa'ya tevcîh ü ihsân, [Ü1 190a] Zaralı-zâde Receb Bey hakkında ʿâtıfet-i Pâdişâhî nümâyân olup, Rütbe-i Vezâret'le kadri terfîʿ ve Eyâlet-i Sivas ile dâyire-i maʿîşeti tevsîʿ olunup, Kandiye Muhâfızı Vezîr Ferhâd Paşa'nın bu hılâlde kasr-ı şîrîn-i ʿömr-i nâzenîni berkende-i tîşe-i ecel ve bu cihetle Kandiye münhall olup, eyâlet-i merkūme ile Bekmezci Mehmed Paşa hulvü'l-mezâk ve Karaman Eyâleti ile Kāyim-makām Paşa mazhar-ı lutf-i Şehriyâr-ı âfâk oldu.