İntihây-ı hudûd-ı Hâkānî'de vâkiʿ serhadlerden Çıldır Eyâleti mukaddemâ Mîr-i mîrânlık ile Sâbit Mehmed Paşa'ya tevcîh olunmuşidi. Eyâlet-i mezkûrede kâyin ümerâ ve vükelâ me'lûf-i hükûmet-i vüzerâ olduklarından gayri, Paşa-yı mûmâ ileyhin nâsıye-i hâlinde envâr-ı liyâkat rû-nümâ olup, Vezâret'e istîhâlini Erzurum Vâlîsi Vezîr Yûsuf Ziyâ Paşa hazretleri inhâ etmekle, işbu şehr-i Rebîʿulâhır'ın üçüncü günü mûmâ ileyhe Rütbe-i vâlâ-yı Vezâret ihsân ve mahsûd-i etrâb ü ahdân kılındı.