İşbu şehr-i Rebîʿulevvel'in on ikinci günü Şehriyâr-ı cemîlü'l-âsâr Sultân Ahmed Câmiʿ-i şerîf'ini teşrîf ve huzûrları muʿtâd olan erkân-ı devleti iltifât-ı Şâhâne ile taltîf ʿakabinde Mevlid-i şerîf kırâʾatine âgāz olunup, o meclis-i hatîrde bulunan aʿlâ vü ednâ rûhâniyyet-i hazret-i Seyyidü'l-enbiyâ'dan istifâza-i envâr-ı behcet ü behâ eyleyüp, Mevlid-i şerîf hıtâm buldukda, Pâdişâh-ı enâm Serây-ı dilârâ'larına devlet ü übehhetle ʿatf-ı zimâm buyurdular.