Âsitâne-i saʿâdet'de mevcûd büyûtun ekseri ahşâbdan masnûʿ olmak cihetiyle câ-be-câ ihrâk zuhûru emr-i zarûrî gibi olup, baʿzı mahallerde suların kılleti dahi muzırr ve belki ihrâkı müstemirr eyleyeceği zâhir olup, binâ'en-ʿalâ-zâlik selâtîn cevâmiʿinde cânib-i vakfdan birer havz binâ ve âb ile imlâ ve lede'l-iktizâ hâzır u müheyyâ bulunup, ihrâk zuhûrunda peyderpey nakl ve iʿmâl-i sevret-i nârı kesre sebeb olacağı zâhir-i hâl olmağla, Lâleli ve Sultân Bâyezîd ve Süleymâniyye ve ʿOsmâniyye ve Bağçe-kapusu kurbünde vâkiʿ Vâlide Sultân câmiʿlerinde birer havz binâ olunması emr ü fermân ve me'mûrlar fi'l-hâl binâsına dâmen-der-meyân [Ü2 28b] olup, fî-akrebi'z-zemân tekmîl ile ihrâklarda fi'l-vâkiʿ nefʿi nümâyân oldu.