Efendi-yi müşârun ileyhin muhâfaza ve imsâk-ı mâl-i mîrîde olan ihtimâmı teslîm-kerde-i erbâb-ı ‘ukûl ise dahi aʻzam-ı umûr-ı Devlet-i ‘aliyye'den olan edevât-ı seferiyyenin tertîbinde ve sügūr-ı İslâmiyye'ye muktezâ olan mühimmât u levâzımın tedârükünde fütûr u kusûru ihsâs olunduğuna binâʼen ‘azl ü tebdîline irâde-i sâmiye-i Mülûkâne te'alluk edüp, işbu Şa'bânü'l-mu'azzamın yigirmi sekizinci günü Tersâne Emîni ‘Osmân Efendi câh-ı refî‘-i Defterî ile tahsîl-i dest-mâye-i merâm ve selefi el-Hâc İbrâhîm Efendi Tersâne-i ‘âmire Emâneti ile [211b] tebdîl-i makām eyledi.