Balâda güzâriş-pezîr-i hâme-i tahrîr olduğu vech üzere cülûs-ı meymenet-makrûndan iki yüz beş târîhlerine mütekārib vakitlere gelince Devlet-i ʻaliyye-i ebediyyü'l-karâr'da hayyiz-resân-ı vukūʻ olan müteferrikāt-ı havâdis iltizâm-ı esbâb u bevâʻis ile sebt-i cerîde-i eyyâm ve maʻrûz-ı hâk-i pây-i Şehriyâr-ı Dârâ-gulâm olundukda, sezâvâr-ı nîm-nigâh-ı Şehriyârî ve muvâfık-ı tab‘-1 meʻâlî-yi neb‘-i Tâcdârî olup, maksûd-ı bi'z-zât olan iltifât-ı bî-gâye-i Mülûkâne ve ‘atıyye-i seniyye-i Şâhânelerine hakk-ı Kemterânem'de cilve-ger-i mücellâ-yı bürûz olup, şeref-rîz olan hatt-ı hümâyûn-ı mevâhib-makrûnun [177b] sûreti teberrüken işbu mahalle kayd olundu.