"Men cehheze gāziyen fî-sebîlillahi fe-kad gazâ" hadîs-i sahîhi medlûlünce mahz-ı tahsîl-i mesûbât-dâr-ı ‘ukbâ ve kesb-i fezâyil-i cihâd ü gazâ niyyet-i hâlisesiyle iklîletü'l-muhsenât, seyyidetü'l-muhadderât, Asiye-üsvet, Rabiʻa-zehadet ya'nî Valide Sultân-ı ‘aliyyetü'ş-şân hazretleri beş yüz nefer geride ve cengâver ‘askerin lâzım gelân meʼûnet ve harc-1 râhların hazîne-i mekârim-i defînelerinden i‘tâ ve Ordu-yi hümâyûn tarafına sevk ü isrâ ile maʻnen ihrâz-ı derece-i gazve vü cihâd ve maʻâkıl u sügūr-ı İslâmiyye'de müteheyyi'-i peykâr olan [54a] cünûd-ı muvahhidîne imdâd eylediler. Ser-çukadâr-ı hazret-i Şehriyârî Hüseyin Ağa dahi tahsîl-i savâb irâdesiyle elli nefer merd-i tüvânânın levâzım-ı seferiyyelerin ru'yet ü tekmîl ve bi'l-mürâfaka Ordu-yi hümâyûn'a ba's ü tesbîl eyledi.