Merkūmun hulâsa-i hâli ve Magosa'ya bi-tarîkü'n-nefy irsâl olunduğu zikr olunmuşidi. Me'mûr olduğu mahalle azîmetden ibâ edüp tarafından âsâr-ı tuğyân dahi hiss olunmağla bu hâl ile terki mûcib-i zuhûr-ı fitne olacağı ihtimâliyle merkūmu ve hevâdarlarından Çopur-oğlu Mehmed Ağa'yı Adana vâlisi Vezîr Yusuf Paşa katl ü i'dâm edüp (274-a) ser-i maktûğlarını Âsitâne-i saʿâdet'e irsâl etmekle ibreten-li's-sâirîn Bâb-ı hümâyûna ilkā olundu.