Leh memleketi mukāsemesinde baʿzı reʿâyâ melûf olmadıkları hâkimin taht-ı hükümetinden hurûc ve memâlik-i mahrûseye vülûc edüp sevâhil-i Tuna'da tavattun ve sâye-i şevket-vâye-i hilâfet-penâhîde temekkün etmişleridi. Tâife-i mezkûrenin verâları alınamayup fevc fevc berü yakaya mürûr ve taʿyîn olunan mahallere gitmekten izhâr-ı inâd ile ifsâd-ı ahvâl-i hudûd u sugūr eylediklerinden başka Leh mukāsımları dahi bu maddeyi mevzûʿ-i bahs eyleyerek devlete taʿrîz ve adem-i kabûl sûretlerini îmâ ve tahrîz etmeleriyle fî-mâ-baʿd o taraftan ubûr ve kasd edenleri sefîneye almamak tenbîhâtı sevâhil-i Tuna'da vâkiʿ hükkâm ve zâbitâna tekîd ve mü'temer olmayanlara iblâğ-ı vaʿîd-ı şedîd olundu.