İşbu sâl-i miyân-fâl miftetahı olan muharremül-harâmın üçüncü günü sunûf-i askerînin iki kıst mevâciblerini şeranpo hâricinde mansûb haymede bi'n-nefs Serdâr-ı ekrem hazretleri tevzîʿ u iʿtâ ve seferber olanları kayd-ı muzâyakadan vâreste vü rehâ edüp, itmâm-ı mevâcib, ʿarz-ı südde-i Şehriyâr-ı vâlâ-menâkıb kılındıkda, Silahdâr-ı bülend-itibar olan ʿAbdullah Ağa vesâtatıyla teşrîfât-ı ʿâlem-behâya mashûb hatt-ı hümâyûn-i şeref-makrûn mevhibet-rîz-i vürûd ve Serdâr-ı ekrem hazretleri bu nevâziş ü iltifat ile nâyil-i sürûr-i nâ-mahdûd oldu.