Müşârun ileyh İbrâ'îl Muhâfızı iken, aʿdâ Hotin Kalʿası'nı muhâsara ve agâz-ı müşâcere edüp, mahsûrlara bi'n-nefs imdâd eylemesi bâbında tarafına mü’ekked emr-i ʿâlî şeref-sudûr olmuşiken, me'mûr olduğu mahalle ʿazîmetden izhâr-ı ʿacz ile bir zemân Özi havâlîsinde geşt ü güzâr ve bir müddet Bender'de ikāmet ile imrâr-ı rûzgâr eyler idi. Müşârun ileyhin ʿuhdesinde Haleb Eyâleti gibi nemâdâr bir mansıb var iken, Bender varoşunda bir hâne istîcâr ve yirmi beş sene kadar derbeder etbâʿ ile karâr edüp, tedârük etdiği cevârîye mukārenet ve leyl ü nehâr idâre-i perkâr-ı mubâzaʿa ile ifrâğ-ı cerâb-ı şehvet edüp, bu reftâr ü evzâʿı, her hâlde muhıll-i şân-ı Vezâret olduğundan defter-i vüzerâdan ismi ilgā ve Dimetoka'ya nefy ü iclâ olundu.