Ümerâdan Çavuşlar Kethudâsı [M1 287] Çırağı denmekle meşhûr Hasan Bey, emsâline tefavvuk ve istiʿlâ fikriyle beyne'l-ümerâ kuvvet-i batş ile şöhret-nümâ olan Keşkeş Hüseyin Bey'i iʿdâm ve Mısr-ı Kāhire'de mâlik-i zimâm-ı kabz u ibrâm olmak hevâsını kalbinde ihfâ eylediğini Hüseyin Bey'in hevâdârları tahkīk ve merkūma vehâmet-i ʿâkıbet-i kârı beyân ile irâ'e-i istikāmet-i tarîk etmişler iken, müte'essir olmayup, Hüseyin Bey yedinde helâk ve üftâde-i hâk-i megāk oldu. Mensûb olduğu Çavuşlar Kethudâsı Dimyat'a ve tarafdarlarından diğer Hasan Bey ve Mehmed Bey, Cidde'ye nefy ü ibʿâd ve defʿ-i şûriş ü fesâd kılındı.