Eğin Kasabası'nda Nakībü'l-eşrâf Vekîli olan şahısdan ehâlî iştikâ ve hakkından gelinmesini istidʿâ eylediklerine binâ'en, mahallinde mübâşir maʿrifetiyle daʿvâları şerʿan [M1 264] ruʾyet olunmak bâbında ısdâr-ı hükm-i kazâ mazâ olmuşidi. Mahalline varıldıkda, Nakīb'in kātil olduğunu sarrâf gürûhundan baʿzı eşrâr bir takrîb iʿlâm etdirdüp, iʿdâmına ihtimâm eylediklerini Nakīb'in eytâm-ı sigārı vü ʿıyâli ve sâdâtdan baʿzı kimseler rikâb-ı hümâyûn'a ʿarz-ı hâl ve keyfiyyet kemâ yenbagī tefahhus ve bu tarafa inhâ olunmaksızın mezkûrun izâlesi mûcib-i tehevvür-i Pâdişâh-ı cemîlü'l-hısâl olmağla, kazıyyede medhali ve bu fesâdda eli olan dört nefer sarraf küşte-i dest-i seyyâf ve ʿibret-i enzâl ü eclâf oldu.