Muharrem evâhırında Sipâh Kalemi Baş-halîfesi'nin ve birkaç günden sonra Muhallefât Halîfesi'nin hâneleri muhterik olup, muhallefâta dâ'yir defâtir-i mîrî dahi maʿan muhterik olmağla, mîrî kâtibleri defâtirinden mümkün mertebe cemʿ olunması tedbîr olunup, ol vechile cemʿ u tahrîr ü isbât ve tagyîr olunduysa dahi bu makūle âfetden it- tikā vü mücânebet şerîta-i hazm ü ihtiyâta riʿâyet kabîlinden olmağla, fî-mâ-baʿd Defterdar Kalemi küttâbı, defterlerini hânelerine götürmeyüp, her gün baʿde'l-ʿasr Defterhâne'ye vazʿ ve ʿale's-sabâh refʿ etmek bâbında hâsseten emr-i ʿâlî ısdâr ve mefhûmu ketebe-i mezkûreye ifâde vü işʿâr olundu.