Arpa Emîni ʿAli Efendi, baʿzı kusûrunna mebnî ʿazl ve Hasekî Mustafa Ağa yerine vasl olundu. Bundan akdem Erzurum Vâlîsi olan Sarı Mustafa Paşa ile ehâlî miyânında nizâʿ u cidâl vukūʿuyla müşârun ileyhi şehirden ihrâc ve ahadühümâ âhara töhmet isnâdıyla erkân-ı devleti tasdîʿ u izʿâc etmişler idi. Binâʾen ʿalâ zâlik sâbıkā Erzurum [M1 201] Vâlîsi Vezîr İbrâhîm Paşa'ya Erzurum verilüp, perde-bîrûn hareket edenleri hufyeten tecessüs ve haklarından gelinmesi tenbîh olunup, müşârun ileyh Erzurum'a vâsıl olup, o makūle şekāvet-pîşeleri bi't-teharrî ele getürüp, istîsâl ve ru’ûs-i maktûʿalarını irsâl eyledi.