Sâbıkā Sadrıaʿzam Kethudâsı olup, bundan akdem Edirne Serâyı taʿmîrine me'mûr olan Yûsuf Efendi, bir müddetden berü emr-i binâ ve taʿmîre iştigāl ve kemâl-i sadâkat ü istikāmetle harâbe-müşrif olan mahalleri termîm ü ikmâl eyleyüp, me'mûriyyeti resîde-i hayyiz-i hıtâm olduğunu mukaddemâ tahrîr u iʿlâm eylediğine binâ'en, ʿavdetiyçün emr-i ʿâlî şeref-sudûr ve zilkaʿde evâsıtında Âsitâne-i saʿâdet'e gelüp, hidmeti meşkûr ve saʿy-i mebrûr oldu.