Sâbık Hekîm-başı'nın zikr olunan irtikâbı giderek meşrebü'l-ʿazb-ı tabʿ-ı Pâdişâhî'yi tağyîr eyleyüp, mûmâ ileyh dahi Gelibolu'ya tagrîb ile o meslekde olanlar tahzîr olundu. Çakırcı-başı olan ʿAbbâs-zâde Mehmed Ağa ve İskemleci Mustafa Ağa, bezâzet-i lisân ile meşhûr olduklarından, bu esnâda dâ'ire-i hadd ü edebden hâric baʿzı taʿrîzâtları vâsıl-ı semʿ-i Sadru's-sudûr olmağla, biri Limni'ye ve diğeri Bozca-ada'ya nefy olunup, intılâk-ı lisân-ı pür-hezeyânları kendülerini ʿiyâl ü evlâddan mehcûr eyledi.