Nisvân tâyifesi seyir mahallerinde ve ezikka vü esvâkda tavr-ı cedîd ve zînet-i ber-mezîd ile mekşûfetü'l-vücûh geşt ü güzâr eyledikleri manzûr-ı Pâdişâhî ve o makūlelerin menʿ ü tahzîri sebeb-i tahsîl-ı rızây-ı İlâhî olduğunu idrâk eylediklerinden, fî-mâ baʿd ihtiyâc ü zarûret mess etmedikçe hânelerinden çıkmayup, lede'l-hâce tavr-ı kadîm üzere mestûretü'l-ahvâl mesâlih-i zarûriyyelerin ru'yet ve mecmaʿ-i süfehâ olan seyr mahallerine ‘azîmetden mücânebet eylemeleri bâbında e'imme-i mahallâta tenbîh ü te'kîd olundu.