Efendi-yi mûmâ ileyh mukaddime-i mevti olan maraz-ı hâyile mübtelâ ve tîrdân-ı ecelden perîde olan nâvek-i kazâya havâle-i hedef-i rızâ edüp, evâyil-i zilhiccede terk-i cihân ü cihâniyân ve muʿtekif-i zâviye-i hâmûşân oldu. Mûmâ ileyh ʿarîku'l-asl sâhibü'l-fazl bir zât olup, dûdmân-ı Cengîziyye'ye kadem-i ihtisâsı olduğuna binâʾen, Târîh-i [M1 84] Gâzân nâm kitâbı tercüme edüp, ʿibârât-ı nefîse ve kelimât-ı selîse ile ahvâl-i hânân-ı Kırım'ı icmâl edüp, inşâsına sihr-i helâl ve güftârına ahsen-i makāl dense sezâdır.