Muhterik olan Paşa-kapusu mesârıfı mîrî tarafından edâ olunmak şartıyla müceddeden binâ iktizâ etdiğine binâʾen, Tersâne Emîni olan Bekir Efendi bu hidmete taʿyîn ve Sultân Ahmed Câmiʿi'nde kâyin Şeyhülislâm-ı sâbık ʿAbdullah Efendi'nin hânesinde [M1 67] Defterdâr Efendi ve ketebe-i aklâm temkîn olunmuş olmağla, muhterik olan Defterdâr-kapusu dahi Cânibî dâmâdı Ahmed Efendi maʿrifetiyle ve Mehter-hâne Kesriyyeli Kethudâsı Matbah Emîni sâbık Mehmed Efendi nezâretiyle yapılmak irâde ve işbu muharrem evâyilinde mûmâ ileyhime tenbîh ve meʾmûriyyetleri ifade olundu.