Sâbıkā Vakʿa-nüvîs ve el-yevm Teşrîfâtî olan ʿİzzî Süleymân Efendi şehr-i mezkûrda bîmâr ve ʿâzim-i dâru'l-karâr olup, selefi ʿÂkif Bey bu umûra vâkıf olmak hasebiyle kemâ-kân hidmet-i teşrîfât ile müteşerrif oldu. Mûmâ ileyh ʿulûm-i cüz'iyyeden haberdâr ve fenn-i inşâda miksâr ise dahi yine şîrîn-güftâr olup, Târîhi hünerine dâl ve nazm-ı eşʿârda mütevassitu'l-hâl olup, müretteb Dîvân'ı mütedâvel-i beyne'n-nâs ve nesri nazmından aʿlâ olduğu, maʿlûm-i erbâb-ı temyîz ü kıyâsdır. Çemenzâr-ı Nakşıbendiyye'de serv-i âzâde olan Şeyh Murâd-zâde merhûmdan inâbe ve ahz-i yed edüp, niʿmet-i istihlâf ile nâyil-i rifʿat ve kurbunda defn olmasıyçün kable'l-vefât vukūʿ-i işâret, [M1 52] rivâyet-kerde-i ashâb-ı basîretdir.