Şehr-i mezkûrun on beşinci salı gicesi sâʿat üç buçukda iken iki dakīka kadar zelzele-i şedîde vâkiʿ ve tahrîb-i baʿzı mevâzıʿ ile beş altı gün kadar imtidâd ve sekene-i Âsitâne'yi mübtelây-ı havf ü irtiʿâd edüp, giderek bu beliyye-i ʿuzmâ sâkin ve kulûb-i nâs mutmaʾin oldu. Câmiʿ-i Ebi'l-Feth ile Sultân Bâyezîd Câmiʿi kubbelerinde zelzele sebebi ile vehn ü indirâs ihsâs olunmağla, lüzûmu mertebe taʿmîrine irâde-i seniyye teʿalluk edüp, fi'l-hâl lâzım gelenlere tenbîh ü teʾkîd ve zikr olunan mahaller taʿmîr ü teşyîd olundu.