Emâret-i Hâc ve Eyâlet-i Şâm mutasarrıfı Vezîr Esʿad Paşa'ya ve Cerde Başbuğluğu ve Eyâlet-i Trablus, birâderi Vezîr Saʿdeddîn Paşa'ya Cumâdelâhırenin beşinci günü ibkā ve takrîr ve sâbıkā Tırhala Sancağı'na mutasarrıf Vezîr Yeğen ʿAli Paşa'nın Anadolu Eyâleti'yle ʿayn-ı ibtihâcı tenvîr olunup, Tırhala Sancağı, mîr-i mîrândan Hotin Muhâfızı Hasan Paşa'ya ilhâk ile Köstendil Sancağı ʿuhdesinden fekk ü nezʿ ve livâ-i mezkûr mîr-i mîrân Hâlid Paşa'ya defʿ olundu. Erzurum Eyâleti, şehr-i mezkûrun yirminci günü sâbıkā Anadolu Vâlîsi Çeteci Vezîr ʿAbdullah Paşa'ya ihsân ve selefi Vezîr el-Hâc İbrâhîm Paşa'ya tevcîh-i Eyâlet-i Van kılındı.