Beher sâl cânib-i Mısır'dan irsâli muʿtâd olan hazîne mashûben bi's-selâme Üsküdar'a geldiğini, muhâfazasına me'mûr ümerây-ı Mısriyye'den sâbık Mısır Defterdârı Yûsuf Bey Bâb-ı âlî'ye gelüp, [M1 26] ihbâr ve huzûr-i Sadr-ı mekârim-kârda mûmâ ileyh ve maʿiyyetinde olan Mısır ocağları zâbitânı telebbüs-i hilaʿ ile kesb-i mübâhât ü iftihâr ve fi'l-hâl bir kıtʿa çekdirme Üsküdar'a gönderilüp, me'mûrlar hazîneyi tahmîl ve Alây Köşkü altından imrâr ile Hazîne-i ʿâmire'ye tavsîl eylediler.